الف مبروك للجميع الاجئين المقيمين في اوروبا
السلام عليكم اخوان
بخصوص الخبر الجديد فهو صحيح 100% 100
... وهو كالتالي وبالكلام الواضح:
البرلمان الاوروبي صادق على اصدار قرار جديد يخص اللاجئين والقرار يخص اللاجئين اصحاب اقامة 3 سنوات وأصحاب السنة الواحدة يعني الحماية الثانوية.. القرار يريد يسويهم كلهم سواسية وكلهم ياخذون 5 سنوات وقابلة للتجديد كل 5 سنوات.
تابع في الإسفل المقالة كاملة
الشي الجديد الثاني ان عند تقييم وضع طالب اللجوء بمعنى لما يدرسون الكيس مال شخص راح يعتمدون على معلومات من (الوكالة الاوروبية للجوء) بخصوص وضع البلاد الي جاي منه اللاجئ وحيشوفون امكانيه وجود بديل حماية داخلي يعني يشوفون اذا اكو مكان ووضع ثاني تكدر تعيش بيه داخل بلدك اذا اكو يرفضوك واذا ماكو بديل داخل بلدك يقبلون لجوئك وايضا الهم الحق انهم يسحبون اللجوء منك اذا ثبت انه الك علاقة بالارهاب او بجرائم وخلو الحرية للدولة المقدمة اللجوء بانها تسحب اللجوء اذا تغير وضع بلدك اثناء فترة اللجوء.
إضافة .... اصحاب الرفض مايشملهم هذا القرار نهائي مو مثل مايتم الترويج اله.
وفي نقطة تخص القاصرين انه حيكون الهم حماية اكثر وايضا لازم يكون الهم حق لم الشمل.
هذا القرار يخص جميع دول الاتحاد الاوروبي
سامحوني لو اكو خطأ بقراءة الخبر والي عنده معلومات ادق يفيدنا
مصدر الخبر: موقع البرلمان الاوروبي الرسمي على الإنترنت
منقول من صفحة تعلم الالمانية مع ضياء
0 Response to "الف مبروك للجميع الاجئين المقيمين في اوروبا البرلمان الاوروبي صادق على اصدار قرار جديد يخص اللاجئين والقرار يخص اللاجئين اصحاب اقامة 3 سنوات وأصحاب السنة الواحدة يعني الحماية الثانوية.. القرار يريد يسويهم كلهم سواسية وكلهم ياخذون 5 سنوات وقابلة للتجديد كل 5 سنوات."
إرسال تعليق